ಅಚ್ಚಕನ್ನಡ

ಕೃತಿ, ನನ್ನವಳ ಹೆಸರು. ಜೀವನದಲ್ಲಿ ಮೊದಲೇ ಲಂಗು ಲಗಾಮು ಇಲ್ಲದೆ, ಹುಚ್ಚು ಹುಚ್ಚಾಗಿ ಆಡ್ತಾ ಇದ್ದ ನಂಗೆ ರೆಕ್ಕೆಯನ್ನ ಕಟ್ಟಿ ಇನ್ನಷ್ಟು ಹುಚ್ಚಾಟಿಕೆಗೆ ಕಾರಣವಾದವಳು ಅವಳು. ಜೀವನದಲ್ಲಿ, ನನ್ನಂಥ ದಾರಿ ತಪ್ಪಿದ ಮಕ್ಕಳನ್ನ ಸರಿ ದಾರಿಗೆ ತರಲೆಂದೆ ಎಷ್ಟೋ ಜನ, ತಂದೆ ತಾಯಿಯರಿಗೆ ಕೊಡೋ ಬಿಟ್ಟಿ ಸಲಹೆಗಳಲ್ಲಿ ಒಂದು, "ನಿಮ್ಮ ಮಗನಿಗೆ ಮೊದಲು ಮದುವೆ ಮಾಡಿಬಿಡಿ" ಅನ್ನೋದು.ಆದ್ರೆ ನಮ್ಮ ಮನೆಯವರೇನಾದ್ರು ಇಂಥ ಸಲಹೆ ತೆಗೆದುಕೊಂಡೇ ನನ್ನ ಮದುವೆ ಮಡಿದ್ದಾಗಿದ್ರೆ, ಈಗ...

ಅದೆಷ್ಟೋ ಆಸೆಗಳನ್ನ ಹೊತ್ತು ಐಟಿ ಮೆಟ್ಟಿಲೇರಿದ ಕಾಲವದು. ಏರಿದ ಕೆಲವೇ ತಿಂಗಳುಗಳಿಗೆ ಅದರ ಸಪ್ಪೆತನವು ಮನದಟ್ಟಾಗಿತ್ತು. ಎಲ್ಲರೂ ತಮ್ಮ ಆಸೆ ಆಕಾಂಕ್ಷೆಗಳ ಪರಾಮರ್ಶೆ ಮಾಡೋದಕ್ಕೆ ಶುರುಮಾಡಿದ್ದು ಆಗಲೇ. ನಾನು event management ಮಾಡಲು ಕೈ ಹಾಕಿ, ಅದನ್ನ ಮುನ್ನಡೆಸೋ ಧೈರ್ಯವಾಗದೆ ಅದರ ಆಲೋಚನೆಯನ್ನೆ ಸಂಪೂರ್ಣ ಕೈಬಿಟ್ಟಿದ್ದೂ ಹೌದು. ಅದೇ ಸಮಯದಲ್ಲಿ ನಡೆದ ಘಟನೇ ಇದು. ಆದರ್ಶ್, ಮೇಲೆ ಹೇಳಿದ ಹಾಗೆಯೇ ಅವನು ತನ್ನದೇ ಆದ ಆಸೆಯೊಂದನ್ನು ಹೊತ್ತಿದ್ದ, ವ್ಯವಸಾಯ ಮಾಡಬೇಕು...

ಮಳೆಗಾಲ, ಸೆಮಿಸ್ಟರ್ ಪರಿಕ್ಷೆಗಳನ್ನೆಲ್ಲ ಮುಗಿಸಿದ್ದ ಸಮಯ. ಅಷ್ಟರಲ್ಲಿ ಆಗ್ಲೆ ಪ್ರತಿ ಸೆಮಿಸ್ಟರ್ ಗೆ ಒಂದರಂತೆ ಒಂದು ಟ್ರೆಕ್ ಮಾಡ್ಲೇಬೇಕು ಅನ್ನೊ, ಕಟ್ಟುಪಾಡೆ ಇಲ್ಲದ ಒಂದು ಕಟ್ಟುಪಾಡಿಗೆ, ನಮ್ಮನ್ನ ನಾವು ಸಿಕ್ಕಿಸಿಕೊಂಡಿದ್ವಿ. ಅದರಂತೆ ಪರಿಕ್ಷೆಯ ನಂತರ ಹೋಗೋದಕ್ಕೆ, ಪರಿಕ್ಷೆಯ ಮುಂಚೆಯೇ ಒಂದು ಯೋಜನೆಯನ್ನ ಹಾಕಿಯು ಆಗಿತ್ತು. ನಾಲ್ಕನೆ ಸೆಮಿಸ್ಟರ್ ಅಲ್ಲಿ ಮೊದಲುಗೊಂಡ ನಮ್ಮ ಇಂಥ ಸಾಹಸಗಳು ಆರನೇ ಸೆಮಿಸ್ಟರ್ ಬರೋ ಹೊತ್ತಿಗೆ ಒಂದು ಮಟ್ಟಿಗೆ ಮೆಚ್ಯುರ್ ಆಗೋದಕ್ಕೆ ಶುರುವಾಗಿತ್ತು‌‌. ರೈಲಿನ ಜನರಲ್...

ಮೆಲ್ಲ ನಿನ್ನ ನಡಿಗೆಯ, ದೂರದಿಂದ ನೋಡುತ, ಮೋಡಗಳ ತಾಕುವ ಬೆಟ್ಟದಿಂದ ಬಂದಿದೆ, ಚಂದ ಮಲೆಯ ಮಾರುತ. ಬವಣೆಗಳು ಹಗುರವಾಗಿವೆ ಈಗ ನೀ ನನ್ನ ಸೋಕಲು, ಭಾವನೆಗಳೇ ಬೆರಗಾಗಿವೆ ನೀ ನನ್ನ ತಬ್ಬಲು, ನನ್ನ ಸುತ್ತಿ ನೀ ನಿಂತಾಗ ಜಗವು ನಿಂತಿದೆ ನೋಡುತ, ಭುವಿಯ ಸುತ್ತಿ ಬಂದು ನನ್ನದಾಗಿದೆ ಈಗ, ಚಂದ ಮಲೆಯ ಮಾರುತ! ಇರುಳು ತಂಪು ಸೂಸುತ ಚುಕ್ಕಿ ಬೆಳಕ ಚೆಲ್ಲುತ ಕಾಡನ್ನೆಲ್ಲ ಆವರಿಸಿದೆ ಈಗ ತಂಪಾದ ಮಲೆಯ ಮಾರುತ,...

ಅಂದು ಇಬ್ಬರೂ ಬೈಕಿನಲ್ಲಿ ಟ್ರಿಪ್ ಹೋಗುವಾಗ ಆ ದಾರಿ ಎಷ್ಟು ಸೊಗಸಗಿತ್ತು. ಮಧ್ಯಾಹ್ನದ ಬಿಸಿಲಿತ್ತು. ಆದರೆ ನೀ ಜೊತೆಗಿದ್ದೆ. ಅದಕ್ಕೆ ವಾತಾವರಣ ತಣ್ಣಗಿತ್ತು. ಹಚ್ಚ ಹಸಿರು, ಶಬ್ದವೇ ಇಲ್ಲದ ಜಾಗ, ಪರಿಶುದ್ಧ ಗಾಳಿ.. ಎಲ್ಲಕ್ಕಿಂತ, ಹಿಂದೆಯಿಂದ ಬಿಗಿದಪ್ಪಿರುವ ನೀನು.. ಆ ದಾರಿಯಲ್ಲಿ ಏನೋ ಶಕ್ತಿ ಇದೆ, ನೋವನ್ನು ಮರೆಸೋ ಶಕ್ತಿ, ನೆಮ್ಮದಿಯನ್ನು ಕೊಡೋ ಶಕ್ತಿ... ಆದರೆ ಇವತ್ತು ಅದೇ ದಾರಿಯಲ್ಲಿ ಹೋಗುತ್ತಿದ್ದೇನೆ, ಜೊತೆ ನೀ ಇಲ್ಲ.. ಉಳಿದಿರುವುದು ನಿನ್ನ ನೆನಪು...