ಅಚ್ಚಕನ್ನಡ

ನಾವು ಕಟುಕರಾಗಿರಬೋದು, ಮನ್ಶತ್ವ ಇಲ್ದೋರಲ್ಲ. ಅನುಕಂಪ ತೋರದಿರಬೋದು, ನಡೆಯಲ್ಲಿ ಸುಳ್ಳಿಲ್ಲ. ಇದು ನಮಗೆ ಪರಿಸರ ಕೊಟ್ಟ ರೂಪ, ಇದರರಿವು ಎಲ್ಲರಿಗಲ್ಲ, ಆದರಿದಲ್ಲ ಶಾಪ. ನಾವು ಅಳದವರಾಗಿರಬೋದು, ನೋವು ಅರಿಯದವರಲ್ಲ. ಮರುಗದವರಾಗಿರಬೋದು, ಮನ್ಸಿಲ್ಲದೋರಲ್ಲ. ಈ ಗುಣವ ಒಳಗೆ ಬೆಳೆಸಿದೆ ಸುತ್ತಲ ಲೋಕ, ಇದರಾಳ ಎಲ್ಲರಿಗಲ್ಲ, ಅಡಗಿದೆ ಒಳಗೆಲ್ಲ ನಾಕ. ನಾವು ಮನುಜರಾಗಿರಬೋದು, ಸಹಜನರಲ್ಲ. ಒರಟರಾಗಿರಬೋದು, ಕರುಣೆ ಇರದವರಲ್ಲ. ಇದೆ ನಮ್ಮ ಒಳಗೆ ಪರಿಸರ ಬಿತ್ತ ಬೀಜ, ಎಲ್ಲರಂಗೆ ನಾವಲ್ಲ, ಇದೆ ನಮ್ಮ...

ದೀಪ ಹಚ್ಚು ಮನವೆ, ಬೆಳಕು ಹರಿದುಬಿಡಲಿ. ಚೆಲ್ಲು ಬೆಳಕ ಒಲವೆ, ಮನವು ಕರಗಿಬಿಡಲಿ. ಮನದಾಳದ ಕತ್ತಲಿಗೆ ಮಸಿಯ ಬಳಿದು, ಪಸರಿಸಲಿ ಒಳಗೆ, ಭಿನ್ನ ಕಿತ್ತೊಗೆದು. ನನಗಂತೂ ಒಲವು ಗಗನ ಕುಸುಮ, ಹೊಂದಿಕೊಳ್ಳಲಿ ಹೇಗೆ? ಅನುಸರಿಕೆ ಈಗ ನೀರಲ್ಲಿ ಹೋಮ, ಅಸುನೀಗುವುದೆ ಬೇಗೆ? ದೀಪ ಹಚ್ಚು ಮನವೆ, ಕಡುನೆನಪು ಕರಗಲಿ, ಬೆಳಕಿನಡಿಯಲಿ ಇಂದು, ಹೊಸ ದಾರಿ ಕಾಣಲಿ. ಮನದಾಳದ ಬೆತ್ತಲೆಗೆ ಬೆಳಕ ಚೆಲ್ಲಿ, ಅರೆಘಳಿಗೆಗಾರು ನಾವು, ನಲಿವ ಇಲ್ಲಿ. - ಆದರ್ಶ...

ಮನೆಯೆ ಕರ್ಮ ಭೂಮಿ, ಮನೆಯೆಲ್ಲೆ ಮಾರ್ನವಮಿ. ಮನೆಯೆ ನಮ್ಮ ಗರಡಿ, ಮನೆಯ ಹೊಸಿಲೆ ನಮ್ಮ ಗಡಿ. ಕುಶಿ ಹುಡುಕ್ಕಂಡು ಯಾವ ಬೆಟ್ಟಕ್ಕೋಗ್ತಿ, ಮನೆಯಲ್ಲೆ ಬಗ್ನೋಡಿ. ಹೊರಗೋಗಿ ಉಗುಸ್ಕೊಳ್ಳೋದೇನಿದೆ, ಮನೆಯೆ ನಮ್ಮ ಗುಡಿ. ಮನೆಯಲ್ಲೆ ಜೀವನ, ಮನೆಯಲ್ಲೆ ಮಸಣ. ಹೊರಗೋಗಿ ಮಾಡೋದೇನಿದೆ, ಬೆಚ್ಚಗೆ ಮನೆಯಾಗಿರಣ. - ಆದರ್ಶ

ಗಾಳಿಯೊಡನೆ ಗುದ್ದಾಡಿ ನಿಲ್ಲಲೆ, ಅಥವಾ ಕುಸಿದುಬಿಡಲೆ? ನೀರಲ್ಲಿ ಈಜಿ ತೇಲಲೆ, ಅಥವಾ ದಣಿದು ಮುಳುಗಿಬಿಡಲೇ? ಹೋರಾಟ ದಿನ-ದಿನ ಒಳಗೆ, ಬದುಕು ನಿಲ್ಲದ ಕಾಳಗ ಕೊನೆಗೆ. ಒಳಗಿನದೆಲ್ಲ ಕಕ್ಕಲೆ, ಅಥವಾ ಹೊರಗಿನೊಂದಿಗೆ ಬೆರೆಯಲೆ? ಒಳನೋಟ ಕೊನೆಯಿರದ ಬಯಲು, ಸುಮ್ಮನಾಗದೀ ಒಳಗಿನ ಅಲೆ. ನನ್ನೊಡನೆ ನಾ ಗುದ್ದಾಡಲೆ, ಅಥವಾ ಸುಮ್ಮನಿದ್ದು ಬಿಡಲೇ? ಹೋರಾಟ ಇನ್ನೆಷ್ಟು ದಿನ ಒಳಗೆ, ಬದುಕು ಒಳಗೂ ಹೊರಗಿನ ಕಾಳಗ ಕೊನೆಗೆ. - ಆದರ್ಶ

೧ ಅತ್ತ ಯವ್ವನ ಇತ್ತ ಮುಪ್ಪು, ನಡುವೆ ಇರೋದು ಯಾರ ತಪ್ಪು? ಅತ್ತ ಹೆಂಡತಿ, ಇತ್ತ ಹಳೆ ಹುಡುಗಿ, ನಡುವೆ ಉಳಿದರು, ಹುಡುಗರು ನಡುಗಿ. ಹರಿವ ನೀರು ಹರಿದುಬಿಡಲಿ, ಗೊಂದಲಕೆ ಹುಡುಗ್ರು ಮದುವೆಯಾಗಿಬಿಡ್ಲಿ. ಅತ್ತ ಯವ್ವನ ಇತ್ತ ಮುಪ್ಪು, ನಡುಗಾಲದಿ ಉಳಿಬಾರದು ತಪ್ಪು ಒಪ್ಪು. ೨ ನಮ್ಮಿಬ್ಬರಲಿ ಇಶ್ಟೊಂದು ಹೊಡಿಬಡಿತ, ಒಂದಾಗಲಿಲ್ಲ ನಮ್ಮಿಬ್ಬರ ಎದೆಬಡಿತ. ಚಳಿಗಾಲಕ್ಕೆ ಬಿಡು, ಮಳೆಗಾಲಕೂ ಸೇರಲಿಲ್ಲ, ನಾವಿಬ್ಬರೂ ಒಂದೆ ಗೂಡು. - ಆದರ್ಶ